عزومة رمضان وأصناف سورية مشكلة خذوا فكرة متل ماطلبتوا

*اولا قبل اي عزيمة بخطط شو بدي ساوي اصناف
وعلى اساسها بكتب الاشياء اللازمة لكل صنف على ورقة اذا ماعندي اياها بالبيت
*ثانيا بشتري الاغراض وبجهزها حتى ما ضيع الوقت
ولحق كلشي
*ثالثا ببدأ بالاشياء يلي خرج تتحضر معي وجهزها
مسبقا اذا مكسرات بسلقها متل لوز وبحمصه وعالبراد او الفريزر بيكون جاهز
-الخبز المحمص يقطع ويبقى بالبراد لاكثر من اسبوع تجهيز مسبق
-اذا في حلويات متل يلي عملتهم بالفيديو
معمول وكرابيج قبل بيومين عملتهم قريبا بنزلهم

-البرك اذا كانت العجينة بدها تخمير وشغل بجهزها وبفرزها
بينما بعزيمة الفيديو اخترت يلي مابتاخد وقت
عشان رمضان مابدي ضيع وقتي كتير
عملتها قبل بيوم بعد الظهر العجينة والحشوة وعالبراد
بدون تشكيل راح احكي اي وقت شكلتهم مع شو ؟!يتبع
*رابعا انا عندي فطورنا اليومي ونحنا قلت بالفيديو
بنعمل اشياء سهلة ومقبلات لهيك حضرت
قبل بيوم من العزيمة بدأت بعد الظهر
بعجينة البرك والحشوة السريعة وعالبراد وهاي طريقتها

https://youtu.be/tbv271zILTs
بعدين حطيت حبة باذنجان لبين ما انشويت
طلعت عدة السلطة لفطورنا اليومي غسلتها وتركتها تصفى بهل الاثناء فرمت الباذنجان وضفت مكوناته وغطيته بدون تحريك وعالبراد لليوم الثاني ليبقى فريش اكتر ورشيت زيت وتقدم وهاي طريقته
https://youtu.be/HkJyYi_bFxw

فرمت سلطة فطورنا وريحت شوي
رجعت عملت صلصة الصلطة ليومين وخبيتها بالبراد ونزلتها بالقناه هاي طريقتها
https://youtu.be/0p4rlcUtXA8
الوقت طويل لكن عنا بالهند شوب وماعذبت حالي
كتير عملت شوربة فطورنا خضار وشوفان مابتاخد وقت

https://youtu.be/UI2Mnivo10Y
اثنائها جهزت المحمرة للعزيمة سريعة طريقتها هنا
https://youtu.be/s0kA1G_pr6g

وعملت صلصة فتة الدجاج البيضة بدون الثوم والليمون راح اكتب التتمةهلأ لنفس الطبق باليوم الثاني الخبز مقلي مسبقا والمكسرات ايضا الرز تاني يوم طبخته بسرعة مابده شي والدجاج كنت منظفته مسبقا قبل العزيمة وقطعته اصابع وعالفريزة وقت حشوة الكبة ركبت عليه ينسلق وما اخد وقت لان قطع صغيرة
وتم تطبيقه السريع وقت الافطار بخمس دقائق

بنرجع لوقت قبل بيوم من تحضير العزومة بعد صلصة الفتة
ريحت شوي رجعت نقعت رز تبلة اليبرق وقشرت ثوم
انا عملت بطاطا ودجيز بالفرن بس غسلتها بدون تقشير للبيت وقطعتها وتبلتها بمعجون التندوري محضر مسبقا اخدت ملعقة وشوي زيت وملح وعالفرن ساعة كتير بفيدني ومابقدر استغني عنه ادمان
https://youtu.be/YvEfPkOyFE0
بعد الافطار والعشاء
بلشت بتدبيل الملفوف واليبرق لبين ماسخنت المي
الرز غسلته بعد نقعه ساعة وتركته وبعدين لما بدأت
بالتدبيل تبلته وجهز الحشو بسرعه
المي سخنت حطيت الملفوف ومابياخد وقت بطريقتي المبتكرة هنا
https://youtu.be/Pc85zKgEr6Y

وانا بنفس الوقت عم اتفقدهم طلعت عجينة البرك يلي حضرتها بوقت الظهر عملت كاستين فردتها وشكلتها وعالبراد
جاهزة للقلي طريقتها فوق ماخدت شي بالتشكيل
بعد الملفوف نزلت ورق عنب لان بيعطي لون غامق للمي خليته بعده
جهزت الورق وشلت الاجزاء القاسية وبدأت باللف ساعتين ونصف قعدت خلصت 1:30بالليل لف رتبتهم بجاط لليوم الثاني طبقتهم وعالغاز
كمان بالسحور قبل بيوم بعد اللف ريحيت شوي
عملت حلا بارد بفاريا
مع التصوير اخد نصف ساعة هو بربع ساعة بيصير
بمساعدة زوجي الله يعطيه الصحة قريبا بينزل

ونقعت التمر هندي وخلصت
بقي حوالي الساعة بين قيام وسحور
لليوم الثاني بعد الظهر بلشنا

زوجي عمل عصير التمر هندي منشان يبرد اطيب
وانا عملت حشوة الكبة وسلق الدجاج ونقع شوي رز للفتة حكيت كيف طبقتها فوق
ونفس الوقت
زوجي تولى السلطة غسلها وتركناها تنشف وانا
بلشت بتجهيز عجينة الكبة والتصوير مع بعض
عملنا كبة بسياخ اولا ومنزلتها بقناتي مسبقا ورجعت صورتها من جديد لتصير اوضح شوفوها حاليا هون
وقريبا الثانية بتنزلhttps://youtu.be/sQvqnU2gkeE

صارت ميكس بين طريقة سلفتي الحلبية وبين طريقة الكباب بالبرغل الحمصي يلي نزلت طريقته
مسبقا شوفوها
https://youtu.be/7027lH-lh9M
زوجي شكلها كرات وانا بس شوفتكم الخطوات

وكنت عم صور واشتغل الكبة بالصينية
الحشوة كنت عم حركها كل شوي وقلبها على نار هادية
اثناء الطحن وبعدين بردت بالبراد ووضعت المكسرات عليها عند التطبيق
وزوجي كمل توابع الكبة بسياخ من بصل وفلفل وطبقتهم وعالفرن لان بدي حط يلي بالصينية منشان تطلع قبل وقبل الافطار بشوي بدخلها فرن تسخن وبقدمها
العجين زودناه لان ناوية اعمل كبة بكشك اكلة حمصية
بنعملها مع الكبة المشوية دائما او باللبن او التنين
وبتناسب الكبب بشكل عام
الكشك من سوريا ان شاء الله راح نزلكم طريقة عمله بسوريا
هون بس زوجي حركه وحط الماء والثوم
انا شكلت الكبايات تبعه عقالب الماكينة سريع وقبل التقديم بنصف ساعة بنزله بالكشك والكبة المقلية عملت بباقي العجين وانقلوا قبل الفطور بربع ساعة
زيت للبرك وزيت للكبة
خلصنا كلشي قبل الاذان ب3/4الساعة بس نحنا سريعين
والشوربة انا شوي وزوجي شوي لحقت بسرعة
كله مع بعضو يمشي والله

راح تسألوا يا صبايا عن الجلي وشغل البيت

الجلي حدث ولا حرج منشان نرتاح ..زوجي بجيب اشخاص يساعدونا ولولاهم كارثة مابنقعد مع الضيوف وانا للحقيقة عندي وحدة هندية
بتساعدني بالبيت والجلي ولولاها كان
ماقدرت نزلكم كل يوم اصناف بالقناه بياخد
وقت وشغل كواليس ماحدا بيعرف فيها غير الله
ويلي بيصوروا متلي الحال من بعضه كونه الواحد بالغربة ومافي حدا
معه مضطرة جيب حدا يساعد ويسليني هاي الاهم بغياب زوجي
بتجي بس 3ساعات وبتروح ع بيتها
نقول الحمد لله عالنعم كيف ماكانت احوالنا
كتب هيك وماحدا يظن انو السعادة غامرتنا
ومو ناقص علينا شي وعايشين بالغربة ومرتاحين كلشي متوفر عنا
ترا انتو شايفين هيك بالظاهر بس
ظروف الناس ماحدا بيعرف فيها غير الله
وكل شخص عليه هموم واوجاع قد الدنيا
وهادا كان كلشي ان شاء الله تكونوا استفدتوا
تم تنزيل الفيديو رغبة من الاخوة المتابعين
الا انا وزوجي مو حابين نزل هيك شي

تحياتي لكم اخواني الكرام